नेपालगन्ज । कर्णाली प्रदेशमा नेकपा एमालेको नयाँ नेतृत्वको लागि मतदान भएको केही समय लगत्तै मतगणना सुरु भएको छ ।
एमालेले कर्णाली प्रदेशको पहिलो अधिवेशनबाट सर्वसम्मत नेतृत्व चयन गर्न असफल भएपछि आइतबार मतदान भएको थियो । कुल ६ सय १६ मतदाता मध्ये ६ सय ९ मतदाताले मतदान गरेको एमाले स्रोतले जनएको छ । अधिवेशनमा अध्यक्ष पदमा तीन जनाले प्रतिस्पर्धा गरेका थिए ।
कालीकोटका मीनबहादुर शाही, प्रकाश रोकाया र सल्यानका गुलावजंग शाह अध्यक्षको उम्मेदवार छन् । उपाध्यक्षमा लालबहादुर महतारा, दानसिंह परियार र टेकराज पछाइ तथा सचिवमा रुद्रबहादुर शाही र ध्रुबकुमार शाहीबीच प्रतिस्पर्धा भएको छ ।
