संवाददाता, नेपालगंज ।
जिल्ला प्रशासन कार्यालय बाँकेले जन्मको आधारका सन्ततीका लागि नयाँ नागरिकता प्राप्तीको लागि टोकन प्रणालीबाट सेवा दिईरहेको जनाएको छ । टोकन प्रणाली लागु गरिएपछि दैनिक हुने भीड कम हुदै गएको छ ।
अनलाइनबाट टोकन प्रणाली विकसित गरिएकाले टोकनमा तोकिएको दिनमा सेवा लिन सकिन्छ । जिल्ला प्रशासन कार्यालय बाँकेका सहायक प्रमुख जिल्ला अधिकारी (सूचना अधिकारी) हरि प्रसाद शर्माले बिहान १० बजे देखी साँझ ५ बजेसम्म दैनिक सेवा प्रवाह भईरहेको बताउनुभयो । उहाँले भन्नुभयो, ‘अन्य नागरिकता बाहेक अहिले यो नागरिकता दैनिक १ सय वटा जति जारी गर्न सकिन्छ की भनेर काम गरिरहेका छौं ।’
अनलाइन टोकनका लागि daobanke.moha.gov.np वा appnepal.com मा गई लिन सकिनेछ । जिल्ला प्रशासन कार्यालयका अनुसार इलाका प्रशासन कार्यालय कोहलपुर र नरैनापुरका सेवाग्राहीहरुको हकमा भने यो प्रणाली लागु हुने छैन ।
- सूचना हेर्नुहोस ।
