file photo.
प्रमिला चौधरी, नेपालगंज ।
गर्मी बढ्दै गएपछि बाँकेको कोहलपुर नगरपालिका अन्र्तगत पर्ने सबै विद्यालयहरु सोमबार (२२ गते) देखी मंगलबार (२४ गते) सम्म बन्द गरिने भएको छ ।
कोहलपुर नगरपालिकाले आज एक सूचना जारी गरि सबै विद्यालयहरुलाई वर्षे विदाबाट मिलान हुने गरी विद्यालयमा पठनपाठन बन्द गर्न आग्रह गरेको हो ।
मौसम परिवर्तन भई गर्मी कम नभए विदा थप हुन सक्ने भएकाले पूर्व निर्धारित परीक्षा कार्यक्रम तथा विद्यालय प्रशासन आवाश्यकता अनुसार सञ्चालन गर्न सूचनामा भनेको छ ।
यता गर्मी बढेपछि नेपालगंज उपमहानगरपालिका अन्र्तगत पर्ने विद्यालयहरु पनि अहिले बन्द भएका छन । मौसम पूर्वानुमान महाशाखाको विवरण अनुसार आगामी २४ घण्टा देशको अधिकांश भू–भागको अधिकतम र न्यूनतम तापक्रम बढ्ने सम्भावना रहनुका साथै देशको पहाडी भू–भागको एक–दुई स्थानमा मेघ–गर्जन-चट्याङ्ग सहित हल्का वर्षाको सम्भावना रहेको छ ।
अत्याधिक गर्मी तथा मेघ–गर्जन-चट्याङ्ग बाट हुन सक्ने क्षति वा जोखिमबाट बच्न आवश्यक सतर्कता अपनाउन अनुरोध समेत गरिएको छ ।
आज विहान ८ बजेर ४५ मिनेटको विवरण अनुसार नेपालगंज वरपरको अधिकतम तापक्रम ३९ डिग्री सेल्सियस र न्यूनतम तापक्रम २३ डिग्री सेल्सियस रहेको थियो । दिउँसो पख भने यो तापक्रम ह्वातै बढ्ने गर्दछ ।
- जारी सूचना यस्तो छ ।