नेपालगन्ज । जिल्ला प्रहरी कार्यालय बाँकेले पाँच लाख मूल्य बराबरको पटका बरामद गरि नष्ट गरेको छ । भारतको रुपैडियाबाट लुकाईछिपाई ल्याइएको प्रतिबन्धित पटका जन्य वस्तु प्रहरीले पानीको खाल्डोमा हालेर नष्ट गरेको प्रहरीले जनाएको छ ।
विभिन्न समयमा वडा प्रहरी कार्यलयले नियन्त्रण लिएको पटका शनिबार जिल्ला प्रहरी कार्यालय बाँके परिसरमा पानीको खाल्डोमा हालेर नष्ट गरिएको वडा प्रहरी कार्यालय नेपालगन्जका प्रहरी निरीक्षक हरिबहादुर बिसिले जानकारी दिनुभयो ।
जमुनाह नाका हुदै नेपालगन्ज भित्राइएका पटका प्रहरीले नियन्त्रणमा लिने गरेको छ । जिल्ला प्रहरी कार्यालय भित्र परीसरमा पानीको खाल्डोमा हालेर उक्त वस्तु नष्ट गरिएको बिसिले बताउनुभयो । पटका जन्य वस्तुले स्वास्थ्य, वातावरण र धनजनमासमेत क्षति गर्ने बताइन्छ । नेपालमा पटाका जन्य बस्तु पटड्काउन प्रतिबन्ध गरिएको छ ।
