नवलपरासी । नवलपरासी (बर्दघाट सुस्तापूर्व) को देवचुली नगरपालिका–९ मा जिप दुर्घटना हुँदा ६ जना यात्रुको मृत्यु भएको छ ।
बौदीकाली गाउँपालिकाको माझ डाँडाबाट दलदले बजारतर्फ आउँदै गरेको लु १ ज ३२७० नम्बरको जिप देवचुली नगरपालिका–९ गोरेघुम्तीमा दुर्घटना हुँदा घटनास्थलमै ६ जनाको ज्यान गएको बर्दघाट प्रहरीले बताएको छ । जिप दुर्घटनामा एक जना घाइते हुनुभएको छ ।
दुर्घटनामा मृत्यु हुनेको परिचय खुल्न बाँकी रहेको जिल्ला प्रहरी कार्यालय नवलपरासी ९ बर्दघाट सुस्तापूर्वका प्रहरी नायब उपरीक्षक वेदबहादुर पौडेलले बताउनु भयो । जिप अनियन्त्रित भई सडक छेउको घरमा ठोक्किन पुगेको प्रहरीको सूचनामा उल्लेख गरिएको छ ।