राष्ट्रिय युवा संघको अध्यक्षमा क्षितिज थेबे सर्वसम्मत चयन

  ।   २०७९ चैत्र ३०, बिहीबार १५:३१

संवाददाता, नेपालगंज ।

नेकपा एमाले निकट राष्ट्रिय युवा संघको अध्यक्षमा क्षितिज थेबे सर्वसम्मत चयन हुनुभएको छ । बाँकेको नेपालगञ्जमा सम्पन्न महाधिवेशनले थेबेलाई अध्यक्ष चयन गरेको हो ।

नवनिर्वाचित पदाधिकारीको नाम घोषणा गर्दै युवा संघका इन्चार्ज महेश बस्नेतले उपमहासचिव र सचिव सरह बरियता दिनेगरी विभागी प्रमुख समेत चयन भएको बताउनुभएको छ ।

महाधिवेशनबाट सात उपाध्यक्ष चयन हुनुभएको छ भने महासचिवमा सुमन पुरी चयन हुनुभएको छ ।

सर्वसम्मत पदाधिकारीको विवरण अनुसार, अध्यक्ष क्षितिज थेबे, उपाध्यक्ष अमित लामा, पुष्प श्रेष्ठ, कृष्णहरी केसी, महाराज गुरुङ, सीता सुवेदी, रमेश तिवारी, प्रकाश गौतम, महासचिव सुमन पुरी, उप महासचिव महेन्द्र गुरुङ, राजन थापा, सचिव बिनय शाह, खेम शर्मा, जय गुरुङ, मोबिन आलम, अनिता कन्दङ्वा, देवानन्द मेहता बिष्णा चन्द, पर्वत भण्डारी, कुबेर अधिकारी, कोषाध्यक्ष (आर्थिक विभाग प्रमुख) राकेश राई, लेखा आयोग सन्तोष चौलागाई प्रमुख, नानीराम तिवारी उपप्रमुख, कविन बोगटी सचिव, अनुशासन आयोग राकेश लामा प्रमुख, दिपेश खड्का उपप्रमुख, राजन नेपाली सचिव, निर्वाचन आयोग बलराम बेलबासे प्रमुख, बाबु छतकुली उपप्रमुख, गोकर्ण नेपाली सचिव हुनुहुन्छ ।

राष्ट्रिय युवा संघको नवौं महाधिवेसन २७–२९ चैत्र २०७९ नेपालगंजमा शुरु भएको थियो ।

Next Post

विक्रमादित्यले चलाएको सम्वत् : नयाँ वर्ष २०८० साल सुरु

२०७९ चैत्र ३०, बिहीबार १५:३१
फोटो २०७९ सालमा देखिएको दृष्य, अस्ताउदै गरेको सुर्य । संवाददाता । आज विक्रम सम्वत २०८० को पहिलो दिन अर्थात् नयाँ वर्ष २०८० साल सुरु भएको छ । नयाँ वर्ष प्रारम्भ भएको पहिलो दिन आज नेपालमा र विदेशमा रहेका नेपालीले हर्षोल्लासका साथ एक आपसमा शुभकामना आदानप्रदान गरी मनाइरहेका छन् । नयाँ […]

सम्बन्धित शीर्षक