बाँके । लुम्बिनी प्रदेश मन्त्री कृष्णा केसी (नमुना) ले सिमसार क्षेत्रको पुर्नस्थापना आजको आवश्यकता रहेको बताउनुभएको छ ।
बिहीबार सिमसार दिवसको अवसरमा बाँके राष्ट्रिय निकुञ्जले गरेको कार्यक्रममा बोल्दै मन्त्री केसीले सो कुरा बताउनुभएको हो ।
प्रकृति, प्राणी, मानव जीवन र समग्र इकोसिस्टममा सिमसारले सन्तुलित भूमिका निर्वाह गर्ने अपेक्षा गरिएको बताउँदै उहाँले सिमसारले विभिन्न दुर्लभ प्रजातिका जीवजन्तु तथा वनस्पतिलाई वासस्थान दिनुका साथै जलस्रोत संरक्षण, बहाव र गुणस्तर कायम राख्ने बताउनुभयो । 
‘सिमसार एक गतिशील, विविधतायुक्त उर्वर पारिस्थितिक प्रणाली हो । यो जैविक, सामाजिक, पर्यावरणीय र आर्थिक दृष्टिकोणले मूल्यवान् प्राकृतिक प्रणालीको अंश हो । यसको संरक्षण अति नै आवश्यक छ ।’ उहाँले भन्नुभयो । मन्त्री केसीले सिमबार क्षेत्रको पुर्नस्थापनाको साथै यसको संरक्षण अहिलेको आवश्यकता रहेको दाबी गर्नुभयो । ‘सिमबार क्षेत्रको पुर्नस्थापना आजको प्रमुख आवश्यकता भएको छ’ उहाँले भन्नुभयो, ‘यस क्षेत्रमा भएका सिमसार क्षेत्रहरुको संरक्षण
गर्नुपर्छ ।’ 
सिमसार क्षेत्रहरुको संरक्षण गर्नुपर्ने दायित्व सबैको रहेको मन्त्री केसीले दाबी गर्नुभयो । स्थानीय स्तरमा रहेका सिमसारहरुको संरक्षणको लागि स्थानीय नागरिकहरुलाई नै अग्रसर गराउनुपर्ने उहाँले बताउनुभयो । ‘सिमसार क्षेत्रको महत्व स्थानीयलाई बुझाएर संरक्षणमा उहाँहरुलाई नै अग्रसर गराउनुपर्छ’ उहाँले भन्नुभयो, ‘त्यसबाट स्थानीयलाई आय आर्जनका लागि राज्यले वातावरण गराउनुपर्छ ।’
सिमसार क्षेत्रहरुको संरक्षण गर्नुपर्ने दायित्व सबैको रहेको मन्त्री केसीको दाबी
गुडन्यूज खबर
।
२०७९ माघ १९, बिहीबार १७:५८
