संवाददाता, नेपालगंज ।
दादुरा रुबेला बाँकेको जानकी र बैजनाथ गाउँपालिका बाहेक अन्य ६ वटा पालिकामा देखिएको छ ।
आज मात्रै पनि राप्तीसोनारी गाउँपालिका वडा नम्बर २ का १५ महिने बालिकामा दादुरा रुबेलाको संक्रमण देखिएको स्वास्थ्य कार्यालय बाँकेले जनाएको छ ।
यो सगैं बाँकेमा दादुरा रुबेलाको संक्रमणमा पर्ने बालबालिकाहरुको संख्या ३ सय १ जना पुगेको छ । दादुरा रुबेलाको संक्रमणबाट नेपालगंजमा १ जनाको मृत्यु भईसकेको छ ।
हाल ८ जना उपचारमा रहेका छन भने ८ जना घर आइसोलेसनमा रहेका छन । दादुरा रुबेलाको संक्रमणपछि निको हुने बालबालिकाहरुको संख्या भने २ सय ९२ जना पुगेको छ ।
