संवाददाता, बर्दिया ।
भारतको उत्तराखण्डमा पर्ने टेडि गडवालमा ज्याला मजदुरीका लागी गएका १ जना नेपालीको मृत्युभएको छ । मृत्यु हुनेमा बर्दियाको बारबर्दिया नगरपालिका वडा नम्बर ८ थानफेनाका २२ बर्षिय सुवास चन्द्र थारु रहनुभएको छ ।
२३ कार्तिक २०७९ का दिन घरबाट जानुभएका उहाँको ३० कार्तिक २०७९ का दिन मृत्युभएको खबर आएको घरपरिवारले जनाएका छन । मृतक थारु अविवाहित हुनुहुन्थ्यो ।
बिहीबार (आज) दिउँसो ३ बजे सम्म मृतक थारुको शव भारतीय एक अस्पतालमा राखिएको भएपनि अस्पतालले छिटो शव लैजान भनीरहेको परिवार सदस्य दाजु नाता पर्ने सुमन थारुले जानकारी दिनुभयो ।
उहाँका अनुसार गाउँकै केही युवा पनि सगैं ज्याला मजदुरीको काम गर्न त्यहाँ पुगेका छन । आर्थिक अवस्था कमजोर भएकाले छिटो शव ल्याउन नसकिएको भन्दै सक्दो पहल गरिदिन सबैलाई घरपरिवारले अनुरोध गरेको छ ।
मृतकका बुवा छोटेलाल थारु आज दिउँसो मात्रै त्यहाँ पुग्नुभएको छ । मृत्यु कारण भने अझै स्पष्ट भईसकेको छैन ।
फोटो स्रोत : Yashu Kc
