नेपालगन्ज । नेपालगन्ज-१० माओवादी केन्द्र तर्फका अध्यक्षका उम्मेदवार धनबहादुर पुनले आफ्नो वडालाई नमुना वडा बनाउने प्रतिबद्धता व्यक्त गर्नु भएको छ । चुनावी प्रचारप्रसारको क्रममा आफ्नो वडाका जनता संग सो प्रतिबद्धता व्यक्त गर्नु भएको हो ।
उत्साहजनक घरदैलो अभियानमा जुटेका नेता कार्यकर्ताले अध्यक्षका उम्मेदवार पुनलाई साथ दिएका छन् । घरदैलो अभियानमा जनताले यसपटक माओवादी केन्द्र तर्फका उम्मेदवार पुनलाई नै मतदान गर्ने आश्वासन पाएको माओवादी केन्द्र बाँके जिल्ला समन्वय समिति सदस्य जया खड्काले बताउनु भयो । त्यस्तै प्रचारप्रसार, घरदैलोमा पाका बौद्धिक व्यक्तिको साथ रहेको पनि नेता खड्काले बताउनु भयो । जनताले यसपटक आफूहरुलाइ साथ दिनेमा ढुक्क रहेको इन्चार्ज चन्द्र श्रेष्ठले बताउनु भयो ।
बिहिवार राती सम्म चुनावी प्रचारप्रसारमा खटिएका नेताकार्यकर्ताहरुले वडा-१० का गोसाइगाउँ, भिर्कुटीनगर, आदर्शनगर, अन्नपूर्ण टोल, चौलिका लगायतका गाउँ / टोलमा घरदैलो गरेका थिए । घरदैलो गरेर घरफर्किदा हर्ष खुशीका साथ फर्केको अनुभव पुनले बताउनु भयो ।
नेपालगन्ज-१० लाई नमुना वडा बनाउने पुनको प्रतिबद्धता
गुडन्यूज खबर
।
२०७९ बैशाख २३, शुक्रबार ०७:३८
