संवाददाता, डुडुवा बाँके।
बाँकेको नेपालगंज देखी नरैनापुरको सुईया गाउँसम्मको दुरी ४४ किलोमिटर सम्म रहेको छ । हुलाकी राजमार्ग अन्र्तगत पर्ने यो सडक खण्ड कालोपत्रे गरिएपछि आउजाउमा निकै सहज भएको छ ।
तर अहिले डुडुवा गाउँपालिकाको मिलन चोक वरपर र राप्ती पुल वरपरको कालोपत्रे सडक निर्माण सम्पन्न भएको छोटो समयमै उक्किएर धुलाम्मे र हिलाम्मे भएको छ ।
ठाउँ–ठाउँमा खाल्डाखुल्डी परेका छन । बालुवा, माटो जस्ता निर्माण सामाग्री बोकेर छिन–छिनमा ओहोर–दोहोर गर्ने टिप्पर, ट्याक्टरले सडकलाई झनै कुरुप र जिर्णा पारिदिएका छन ।
पानी चुहाउदै हिँड्ने टिप्पर, ट्याक्टरको दोहोरो कुदाँईले सडक छेउको खेतबाली, घरहरु धुलोले भरीएका छन । सडकमा हिँड्ने पैदल यात्री, र अन्य सवारी साधानले यो गर्मी सुख्खायाममा निकै सास्ती खेपी रहेका छन ।
निर्माण सामाग्री बोकेका (लोडेड) सवारी साधान टिप्पर, ट्याक्टरलाई बैकल्पिक बाटोको ब्यवस्था नगरिदिँदा कालोपत्रे सडक कुरुप, जिर्णा मात्रै भएको छैन ।
सगैं आउजाउ गर्ने अन्य सर्वसाधारणको स्वास्थ्यमा पनि गंम्भिर असर परिराखेको छ । यस बिषयमा स्थानीय सरकार र अन्य सरोकारवाला निकायले समयमै ध्यान दिन भने सकिरहेका छैन्न ।
#डुडुवा #टिप्पर #ट्याक्टर
