नेकपा माओवादी केन्द्रका अध्यक्ष तथा पूर्व प्रधानमन्त्री पुष्प कमल दहाल (प्रचण्ड) भोलि रोल्पा जाँदै हुनुहुन्छ । नेकपा माओवादी केन्द्र जिल्ला समन्वय समिति रोल्पाले आयोजना गरेको रोल्पाको सदरमुकाम लिबाङको टुडिखेलमा हुने बृहत जनसभालाई सम्बोधन गर्न प्रचण्ड रोल्पा जान लाग्नु भएको हो ।
कार्यक्रमलाई सम्बोधन गर्न नेकपा माओवादी केन्द्रका प्रवक्ता तथा पूर्व सभामुख कृष्ण बहादुर महरा, नेकपा माओवादी केन्द्रका केन्द्रिय सदस्य एवम् शिक्षा तथा स्वास्थ्य सभापति जयपुरी घर्ती, नेकपा माओवादी केन्द्रका केन्द्रिय सदस्य जोग बहादुर महरा, नेकपा माओवादी केन्द्रका केन्द्रिय सदस्य सीता आचार्य, नेकपा माओवादी केन्द्रका केन्द्रिय सदस्य तथा लुम्बिनी प्रदेशसभा सदस्य दिपेन्द्र कुमार पुन लगाएतका केन्द्रिय नेताहरूले जनसभालाई सम्बोधन गर्ने कार्यक्रम तय भएको नेकपा माओवादी केन्द्र रोल्पाले जनाएको छ ।
पूर्व उर्जा, जलश्रोत तथा सिचाँइ मन्त्री तथा नेकपा माओवादी केन्द्रका प्रभावशाली नेता बर्षमान पुन भने कार्यक्रममा जन नभ्याउनु हुने भएको छ । उहाँ उपचारका लागि ११ चैतमा चीन जानुभएको छ । उहाँ पूख्यौली जण्डिसका कारण केही महिना देखि चीनमा उपचार गराउदै आउनु भएको थियो । फेरि उपचारका लागि आफ्नो पत्नी पूर्व सभामुख ओनसरी घर्तीसँग पुन चीन जानु भएको छ । बृहत जनसभामा पूर्व अर्थमन्त्री बर्षमान पुन, नेकपा माओवादी केन्द्रका केन्द्रिय तथा पूर्व सभामुख ओनसरी घर्ती र नेकपा माओवादी केन्द्रका केन्द्रिय सदस्य तथा लुम्बिनी प्रदेशका मुख्य मन्त्री कुल प्रसाद केसी पनि कार्यक्रममा उपस्थिति नहुने बताइएको छ ।
साथै प्रचण्डले भोलिनै रोल्पाबमे सातदोबाटोमा निर्माण गरिएको जनयुद्ध स्मृति भ्यु टावरको रिवन काटेर उद्घाटन गर्ने कार्यक्रम तय भएको नेकपा माओवादी केन्द्र जिल्ला समनवय समिति रोल्पाका संयोजक सुरेन्द्र थापा घर्तीले जानकारी दिनुभएको छ ।
