बिहीबार थपिए १ हजार १ सय ११ कोरोना संक्रमित

  ।   २०७७ भाद्र ११, बिहीबार १६:२५

नेपालगन्ज । नेपालमा कोरोना सङ्क्रमितको सङ्ख्या ३५ हजार पाँच सय २९ पुगेको छ । गएको २४ घण्टामा एक हजार एक सय ११ जनामा कोरोना भाइरसको सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

पछिल्लो २४ घण्टामा १२ हजार ६ सय २९ जनाको पीसीआर विधिमार्फत कोरोना परीक्षण गर्दा एक हजार एक सय ११ जनामा सङ्क्रमण देखिएको मन्त्रालयले जनाएको छ । यस्तै गएको २४ घण्टामा पाँच सय ६९ जना कोरोना सङ्क्रमित निको भएर घर फर्किएसँगै डिस्चार्ज हुनेको सङ्ख्या २० हजार ७३ पुगेको छ ।

अब नेपालमा १५ हजार दुई सय ७३ जना सक्रिय सङ्क्रमित आइसोलेशनमा रहेका छन् । यस्तै नौ हजार चार सय ८८ जना क्वरेण्टीनमा रहेको मन्त्रालयले जनाएको छ ।

यस्तै गएको २४ घण्टामा आठ जनाको ज्यान गएसँगै कोरोना सङ्क्रमणबाट ज्यान गुमाउनेको सङ्ख्या एक सय ८३ पुगेको मन्त्रालयका प्रवक्ता डाक्टर जागेश्वर गौतमले जानकारी दिनुभयो ।

Next Post

नियुक्त भएको तीन महिना नपुग्दै टिकटकका सिइओले दिए राजीनामा

२०७७ भाद्र ११, बिहीबार १६:२५
वासिङ्टन । चिनियाँ स्वामित्वमा रहेको सर्ट भिडिओ एप टिकटकका प्रमख कार्यकारी अधिकृत (सिइओ) केभिन मयेरले राजीनामा दिएका छन्। एनबिसीन्युजका अनुसार पछिल्ला साताहरूमा देखिएको तीव्र राजनीतिक परिवर्तनका कारण आफूले राजीनामा दिएको मयेरले जनाएका छन्। मयेर डिज्नी छोडेर गत जुन १ देखि टिकटकको सिइओ बनेका थिए। चिनियाँ कम्पनी बाइटडान्सको स्वामित्वमा रहेको टिकटक […]