संवाददाता, नेपालगंज ।
नेपाल राष्ट्रिय उद्योग ब्यापार संगठन नेपालगंज उपमहानगरपालिका स्तरिय सम्मेलन तथा दोस्रो अधिवेशनको तयारी पुरा भएको छ ।
गुडन्यूजलाई प्राप्त खबर अनुसार नगर सम्मेलन तथा दोस्रो अधिवेशन नेपालगंज स्थित होटल द ग्यालक्सी दरबारमा गर्ने कार्यक्रम छ ।
जिल्ला अध्यक्ष बसन्त लामिछानेले ‘ब्यवासायिहरुको भरोसाको केन्द्रका रुपमा सबै मित्रहरुलाई स्वागत गर्दछौं’ भन्नुभएको छ ।
यस्तै उपाध्यक्ष टंक धामीले कोभिडको जोखिमका बीच आयोजना गरिएको नगर सम्मेलन तथा दोस्रो अधिवेशनलाई ब्यवस्थित र भब्य गराईने जानकारी दिनुभयो ।
यो नेकपा माओवादी केन्द्र निकट ब्यवासायिहरुको नेपाल राष्ट्रिय उद्योग ब्यापार संगठन हो । नगरमा अहिले २ सय जना ब्यवासायि आवाद्ध रहेको उल्लेख छ ।
नगर सम्मेलन तथा दोस्रो अधिवेशन भोली भदौ १९ गते बिहान ११ बजेका लागी तय भएको छ । यसै नगर सम्मेलन तथा दोस्रो अधिवेशनले नयाँ नेतृत्व पनि चयन गर्ने जनाईएको छ ।
