नेपालगन्ज । राष्ट्रिय ख्रीष्टियन महासंघ कर्णाली प्रदेश प्रमुखमा सुर्खेत बेथेल चर्चका पास्टर पदम गैरे जुम भर्चुअल अधिवेशन मार्फत निर्वाचित हुनुभएको छ । देशमा कोरोना भाइरसको दोस्रो लहर बढ्दै गरेको र तेस्रो लहर शुरु भैरहेको बेला जुम भर्चुअल मार्फत भेला तथा अधिवेशन गर्न सकेको राष्ट्रिय ख्रीष्टियन सभा कर्णाली प्रदेश प्रमुख पास्टर पदम गैरेले बताउनु भयो ।
राख्रीसंका केन्द्रिय अध्यक्ष सिवि गहतराजको प्रमुख अतिथित्यतामा शुरुभएको अधिवेशनमा महासंघ केन्द्रका सह उपाध्यक्ष देखि ७ वटै प्रदेश प्रमुखको उपस्थिति रहेको थियो । देशमा इसाइहरुलाइ तेस्रो दर्जाको नागरिक सरह व्यबहार गरेको अधिकांश बक्ताहरुले बताएका छन् ।
प्रदेश महासंघले इसाईहरुका लागि पटक पटक सार्वजनिक फोरम मै वकालत गरेको प्रदेश प्रमुख गैरेले बताउनु भयो । बाइबलबाट प्रवचन दिदै डाक्टर फिलेमोन क्षेत्रीले दर्शन बिना मानिस भाडिन्छ, त्यसैले आफ्नो बोलावट के हो ? सो थाहा पाउनु पर्ने बताउनु भयो । डा. क्षेत्रीले जुममा सहभागी अधिकांश पास्टरहरु होसियार हुनुपर्ने बताउनु भयो । त्यस्तै प्रमुख अतिथि गहतराजले देशका लागि राष्ट्रिय ख्रीष्टियन महासंघ एक कोशे ढुङ्गा साबित भएको बताउनु भयो ।
अब देशै भरिका इसाईहरु एकजुट भएर कोरोना बिरुद्ध राज्यको स्वास्थिक मापदण्डको पालना र प्रार्थना गर्दै अगाडि बढ्नु पर्ने कुरामा जोड दिनु भयो ।
अधिवेशनले ४८ सदस्यीय कार्यसमिति चयन गरेको छ भने कार्यसमितिमा भएका सबैलाई जिम्मेवारी दिएर आफ्नो दायित्वको बोध गराएको छ । कर्णाली प्रदेशका १० जिल्लाबाटै पास्टर अगुवाहरुलाई विभिन्न जिम्मेवारी दिइएको छ ।
भर्चुअल भेला तथा अधिवेशन ३ घण्टा सम्मा चलेको कार्यक्रम संचालक पास्टर प्रेम बयालकोटिले बताउनु भयो ।
