नेपालगन्ज । स्वास्थ्य सेवा सुधारका माग राखेर अनसन बस्दै आउनुभएका डाक्टर गोविन्द केसीलाई आज काठमाण्डौ लगिने भएको छ ।
जुम्लाबाट हिजो (सोमबार) नेपालगञ्ज आइपुगेका डाक्टर केसीलाई आज काठमाण्डौ लगिन लागिएको हो । हिजो नेपालगञ्ज–काठमाण्डौ उडान नभएपछि उहाँलाई भेरी अस्पतालको आइसीयूमा राखिएको छ ।
उहाँलाई आज (मंगलबार) बिहान साढे ११ बजे बुद्ध एअरको उडानबाट काठमाण्डौ पठाउने तयारी भैरहेको बाँकेका प्रमुख जिल्ला अधिकारी रामबहादुर कुरुम्बाङले जानकारी दिनुभयो । डाक्टर केसीले काठमाण्डौमा पनि अनसन जारी राख्ने बताउनुभएको छ ।
सरकारले आफ्ना मागको विषयमा कुनै सम्बोधन नगरेको र पहिलेको अनसनमा अस्पतालमै तोडफोड गरेको आरोप लगाउँदै उहाँले फेरि पनि यस्तो हिंसा हुन नदिन जुम्लाबाट काठमाण्डौको यात्रा सुरु गरेको विज्ञप्तीमार्फत बताउनुभएको छ ।
