संवाददाता।
भरुवा बन्दुक र कटुवा पेस्तोल सहित बाँकेको नरैनापुर गाउँपालिका वडा नम्बर ६ का ५० बर्षिय छोटेलाल राढ पक्राउ परेका छन ।
बिहीबार साँझ हातहतियारको बिक्रि वितरण गरि रहेको भन्ने सूचनाको आधारमा लुम्बिनि प्रदेश प्रहरी अनुसन्धान समुह दाङबाट खटिएको प्रहरी टोलीले एकनाले भरुवा बन्दुक १ थान, छर्रा थान ३ र निजले बोकेको रातो रंगको झोला खानतलासी गर्दा झोला भित्र रहेको कटुवा पेस्तोल १ थान बरामद गरी आवश्यक अनुसन्धान कार्य अघि बढाईएको जिल्ला प्रहरी कार्यालय बाँकेले जनाएको छ ।
