संवाददाता, नेपालगंज।
नेकपा (एमाले) का वरिष्ठ नेता माधवकुमार नेपाललाई भेट्न माओवादी केन्द्रका अध्यक्ष पुष्प कमल दाहाल (प्रचण्ड) र नेपाल कम्युनिष्ट पार्टीका महासचिव नेत्रविक्रम चन्द ‘विप्लव’ कोटेश्वस्थित उहाँकै निवास पुग्नुभएको छ ।
हिजो विप्लवले प्रचण्डलाई खुमलटार पुगेर भेट गर्नुभएको थियो । प्रचण्डका निजी सचिवालयका अनुसार नेपाललाई भेट्न भने प्रचण्ड र विप्लव सँगसँगै पुग्नुभएको हो । साथमा नेता धर्मेन्द्र वास्तोला पनि रहनुभएको थियो ।
प्रचण्डसँगको भेटमा विप्लवले पूर्वमाओवादी घटकहरूबीच एकताको प्रस्ताव गर्नुभएको थियो । प्रचण्ड सम्पूर्ण कम्युनिष्ट पार्टीहरुबीच एकता हुनुपर्ने पक्षमा हुनुहुन्छ ।
नेपाल प्रेसबाट
