संवाददाता, नेपालगंज।
बाँकेमा अनलाइन पत्रकार संघ गठन गरिएको छ । नेपालगंजमा आज भएको भेलाले इसेतोखरी डटकमका अध्यक्ष प्रधानसम्पादक कमल न्यौपानेको संयोजकत्वमा ९ सदस्य तदर्थ समिति चयन गरेको हो ।
संघको सह–संयोजक जावेद अन्सारी, सचिव रामु ओली, सह–सचिव संगीता पाठक (सन्ध्या), कोषाध्यक्ष आलम खान रहनुभएको छ । यसैगरी सदस्यहरुमा सुनिता पन्त, प्रेरणा गिरी, भीष्मा लोध र दिक्षा बिसी रहनुभएको छ ।
तदर्थ समिति गठन सगैं पहिलो बैठक बसेर दर्ता, नविकरण नभएका अनलाइनलाई दर्ता प्रक्रियामा जान सहयोग गर्ने, प्रत्येक महिनाको १५ गते मासिक बैठक बस्ने र अनलाइन पत्रकार संघलाई आधिकारिक रुपमा दर्ताको लागी आवाश्यक प्रक्रिया अगाडी बढाउने निर्णाय गरिएको छ ।
आगामी बैठकले संघको सल्लाहकार समितिमा रुद्र सुबेदी, प्रेम केसी, शंकर प्रसाद खनाल, विश्वराज पछलङ्गया, डक्ट धिताललाई मनोनित गर्ने गरी कुराकानी अघि बढाउने निर्णाय पनि गरेको उल्लेख छ ।
