सविता चन्द
नेपालगञ्ज : बाँकेका विभिन्न आइसोलेसन सेन्टरबाट ५ नम्बर प्रदेश सांसद कृष्णा केसी नमूना लागाएत २८ जनाले आज बिहिवार कोरोना जितेर घर फर्किने हुनुभएको छ । १३ जना महिलासहितका २८ जनाले कोरोनालाई जितेर घर फर्किन लाग्नु भएको फोकल पर्शन नरेश श्रेष्ठले जानकारी दिनुभयो ।
२८ जना डिस्चार्ज हुनेहरुमा अधिकाँश नेपालगञ्जका रहेका हुनुहुन्छ भने यसअघि जिल्लामा सबैभन्दा बढि एकै दिन ३० जना कोरोना जितेर घर फर्की सक्नुभएको छ ।
बाँकेमा अन्य जिल्लाका समेत गरि ७६६ जना कोरोना संक्रमित हुँदा ४९६ जना कोरोना जितेर घर फर्किसकेको अवस्था छ । हाल २६६ जना सक्रिय संक्रमित रहनु भएको छ । त्यस्तै कोरोना संक्रमणका कारण ४ जनाले ज्यान गुमाइ सक्नु भएको छ ।
