संवाददाता, बर्दिया।
बर्दियाको बारबर्दिया नगरपालिका वडा नम्बर ४ घोरपिट्टा गाउँमा आज सर्वसम्मत रुपमा बरघर चयन गरिएको छ । परम्परागत संस्कार, रितिरीवाज अनुसार गाउँ भेला गरी बरघर चयन गरिएको हो ।
जसको गाउँ बरघरमा कुकारी थारू, मुखिया कृष्ण थारू, अगुवा अतवारी थारू, सहायक बरघर सियाराम थारू, सहायक अगुवा रामबचन थारू, गाउँ गुरूवा भग्गु थारू, चौकिदार दुखराम थारू, पुजारी सन्तु थारू रहनुभएको छ ।
अहिले सर्वसम्मत रुपमा चयन भएका ब्यक्तिहरुको कार्यकाल १ बर्षको हुनेछ ।
थारु बाहुल्य यस क्षेत्रमा २९३ वटा घरधुरी संख्या रहेको छ ।
यहाँ प्रत्येक बर्ष यसैघरी बरघर चयन गर्ने गरिएको बर्दियाबाट संञ्चारकर्मी राज कुमार बिकले जानकारी दिनुभएको छ । बरघर चयन गर्नुअघि आर्थिक बर्ष २०७६-०७७ को आम्दानी, खर्च बारेमा जानकारी गराईएको थियो ।
