दल बहादुर सुनार, बर्दिया।
बर्दियाको बाँसगढी नगरपालिका वडा नम्बर ६ नारायणपुरका शारीरिक अपाङ्गता रहनु भएका पतिराम थारुले ब्यवसायिक तरकारी खेति गरी आत्मनिर्भर बन्न सफल हुनुभएको छ ।
३३ बर्षिय पतिरामको १० कठ्ठा जग्गामा अहिले टमाटर, काउली, बन्दा, खुर्सानी लगायतका विभिन्न तरकारी बाली लगाएको छ ।
तिनपांग्रे साईकलको सहयोगमा आउजाउ गर्ने उहाँले स्थानीय एक समुहबाट २० हजार रुपैंया ऋण, कर्जा लिएर ब्यवसायिक रुपमा तरकारी खेती शुरु गर्नुभएको हो ।
यही तरकारी खेतीबाटै एक सिजनमा करिब डेढ लाख रुपैंया सम्म आम्दानी गर्न सफल भएको उहाँले सुनाउनुभयो ।
#अपाङ्गता #शारीरिक #ब्यवसायिक
