बाँके । जिल्लामा कोरोना भाइरस (कोभिड–१९) का सङ्क्रमितको सङ्ख्या तीन हजार ६ सय एक पुगेको छ । सोमबार थप दुई जनामा सङ्क्रमण पुष्टि भएको जिल्ला कोभिड– १९ संकट व्यवस्थापन केन्द्र (डीसीसीएमसी) बाँकेले जनाएको छ ।
त्यस्तै गएको २४ घण्टामा २३ जना निको भएर फर्किएसँगै डिस्चार्ज हुनेको सङ्ख्या तीन हजार तीन सय १८ पुगेको छ ।
अब बाँकेमा दुई सय ४७ जना सक्रिय सङ्क्रमित आइसोलेशनमा रहेको स्वास्थ्य कार्यालय बाँकेका कोरोना सम्पर्क व्यक्ति नरेश बाबु श्रेष्ठले जानकारी दिनुभयो ।
बाँकेमा कोरोना सङ्क्रमणबाट ज्यान गुमाउनेको सङ्ख्या ३६ पुगेको छ ।
बाँकेमा बिरामी निको हुने दर ९२.१४ प्रतिशत, मृत्यु दर १.०० प्रतिशत र रोगको प्रकोप दर ०.६० प्रतिशत रहेको जिल्ला कोभिड– १९ संकट व्यवस्थापन केन्द्र (डीसीसीएमसी) बाँकेले जनाएको छ ।
