बाँके । बाँके जिल्लामा कोभिड–१९ (कोरोना भाइरस) का सङ्क्रमितको सङ्ख्या तीन हजार ११० पुगेको छ । जिल्ला कोभिड– १९ संकट व्यवस्थापन केन्द्र (डीसीसीएमसी) बाँकेका अनुसार शुक्रबार ३३ जनामा सङ्क्रमण पुष्टि भएको हो ।
गएको २४ घण्टामा २२८ जनाको नमुना सङ्कलन भएको हो । त्यस्तै गएको २४ घण्टामा ७४ जना निको भएर फर्किएसँगै डिस्चार्ज हुनेको सङ्ख्या दुई हजार ७८६ पुगेको छ ।
अब बाँकेमा २९४ जना सक्रिय सङ्क्रमित आइसोलेशनमा रहेका बाँकेका कोरोना सम्पर्क व्यक्ति नरेश श्रेष्ठले जानकारी दिनुभयो । यस्तै कोरोना सङ्क्रमणबाट ज्यान गुमाउनेको सङ्ख्या ३० पुगेको छ ।
बाँकेमा बिरामी निको हुने दर ८९.५८ प्रतिशत, मृत्यु दर ०.९६ प्रतिशत र रोगको प्रकोप दर ०.५२ प्रतिशत रहेको जिल्ला कोभिड– १९ संकट व्यवस्थापन केन्द्र (डी.सीसी.एम.सी) बाँकेले जनाएको छ ।
