बाँके । बाँके जिल्लामा कोभिड– १९ (कोरोना भाइरस) का सङ्क्रमितको सङ्ख्या तीन हजार ४० जना पुगेको छ । जिल्ला कोभिड– १९ संकट व्यवस्थापन केन्द्र (डीसीसीएमसी) बाँकेका अनुसार बुधबार ३६ जनामा सङ्क्रमण पुष्टि भएको हो ।
गएको २४ घण्टामा १९५ जनाको नमुना सङ्कलन भएको हो । त्यस्तै गएको २४ घण्टामा १८ जना निको भएर फर्किएसँगै डिस्चार्ज हुनेको सङ्ख्या दुई हजार ६७८ पुगेको छ ।
अब बाँके जिल्लामा ३३२ जना सक्रिय सङ्क्रमित आइसोलेशनमा रहेका छन् ।
यस्तै कोरोना सङ्क्रमणबाट ज्यान गुमाउनेको सङ्ख्या ३० पुगेको बाँकेका कोरोना सम्पर्क व्यक्ति नरेश श्रेष्ठले जानकारी दिनुभयो ।
बाँकेमा बिरामी निको हुने दर ८८.०९ प्रतिशत, मृत्यु दर ०.९९ प्रतिशत र रोगको प्रकोप दर ०.५१ प्रतिशत रहेको डीसीसीएमसी बाँकेले जनाएको छ ।
