नेपालमा प्रसारण हुने विदेशी टेलिभिजन च्यानलले आजदेखि विज्ञापन बजाउन नपाउने

  ।   २०७७ कार्तिक ८, शनिबार ११:५३

काठमाण्डौ । नेपालमा प्रसारण हुने विदेशी टेलिभिजन च्यानलले आजदेखि विज्ञापन बजाउन नपाउने भएका छन् ।

विज्ञापन (नियमन गर्ने) ऐन, २०७६ मा भएको प्रावधान अनुसार क्लिन फिड लागू भएकाले अब विदेशी टेलिभिजन च्यानलले विज्ञापन बजाउन नपाउने भएका हुन् । गएराति १२ बजेसम्म विदेशी टेलिभिजन च्यानलले विज्ञापन बजाउन पाए पनि आजदेखि नपाउने भएकाले कानुन अनुसार कारबाही गर्ने सञ्चार तथा सूचना प्रविधि मन्त्रालयले चेतावनी दिएको छ ।

मन्त्रालयले विज्ञापन बजाउन नपाउने ऐनको मर्म र भावनाअनुसार व्यवस्था लागू गर्न सबैलाई यसअघि नै निर्देशक दिइसकेको छ । अब नेपालमा प्रसारण हुने विदेशी टेलिभिजन च्यानलले विज्ञापनरहित (क्लिन फिड) प्रसारण गर्नुपर्ने, विदेशी च्यानलसँग डाउनलिङ्क गरी प्रसारण गर्न सम्झौता गरिसकेका संस्थाहरुले ऐन प्रारम्भ भएको एक वर्षभित्र विज्ञापनरहित (क्लिन फिड) प्रसारण गर्नुपर्ने, विदेशी विज्ञापनलाई नेपालका सञ्चारमाध्यमले प्रसारण गर्दा डबिङ गरी प्रसारण गर्न नपाउने कानुनी व्यवस्था छ ।

Leave a Reply

Your email address will not be published. Required fields are marked *

Next Post

आईपीएलमा आज दुई खेल

२०७७ कार्तिक ८, शनिबार ११:५३
काठमाडौं । इन्डियन प्रिमियर लिग (आईपीएल) मा आज (शनिबार) दुई खेल हुँदै छन् । पहिलो खेलमा कोलकाता नाइट राइडर्स र दिल्ली क्यापिटल्सबीच हुँदै छ । खेल नेपाली समयअनुसार दिउँसो ३:४५ बजे सुरु हुनेछ । अंक तालिकाको दोस्रो स्थानमा रहेको दिल्ली चौथो स्थानमा रहेको कोलकातालाई पराजित गर्दै तालिकाको शीर्ष स्थानमा उक्लिन […]