नेपाल आयल निगमले पेट्रोल, डिजेल र मट्टितेलको मूल्य बढाएको छ । आइतबार मध्यरातीदेखि लागू हुनेगरी मूल्य बढाइएको निगमले जनाएको छ । पेट्रोल, डिजेल र मट्टितेलको मूल्य प्रतिलिटर १ रुपैयाँका दरले बढेको निगमले जनाएको छ ।
निगमका अनुसार अब काठमाडौं उपत्यकामा पेट्रोलको मूल्य प्रतिलिटर १०५ रुपैयाँ पुगेको छ भने, डिजेल र मट्टितेलको मूल्य ९१ रुपैयाँ पुगेको छ । खाना पकाउने एलपी ग्यास र हवाई इन्धनमा भने मूल्य यथावत रहेको निगमले जनाएको छ ।
भारतबाटै आउने तेलको मूल्य बढेर आएकाले समायोजन गरिएको निगमले जानकारी दिएको छ । यसअघि निगमले पेट्रोल, डिजलको मुल्य प्रतिलिटर २ रुपैयाँले बढाएको थियो ।
