सुर्य प्रसाद धिताल, नेपालगंज ।
बढ्दो कोभिड–१९ को जोखिमका कारण लामो समयदेखी विद्यालयहरु बन्द छन । तर बाँके सहित देशका केही ठाउँमा सिमित संख्याका केही विद्यालयले मात्र भर्चुअल अनलाइन कक्षाको शुरुवात गरिरहेका छन ।
इन्टरनेटको पहुँच पुगेका विद्यालयहरुले शुरु गरेको भर्चुअल कक्षाको पढाईमा बालबालिकाहरु रमाएर अध्ययन गर्न थालेका छन् । नेपाल सरकारले पनि माहामारीका बेला बैकल्पिक माध्यमबाट पढाई गर्न भनिरहेको छ ।
यसैबीच बाँकेको नेपालगंज १० स्थित सोफिया रेसिडेन्टीयल इंगलिस स्कुलले पनि एक महिनादेखि नियमित भर्चुअल कक्षा चलाई रहेको छ ।
स्कुलले अनलाइन माध्यमबाट पढाउन शुरु गरेपछि फुर्सदिला भएका बालबालिकाहरु पढाईमा लागेको अभिभावक फिरदौस जहाँले बताउनुभयो ।
माहामारीका बेला सोफिया स्कुलले भर्चुअल अनलाइन कक्षाको शुरुवात गरेपछि आफना छोराहरुले नियमित सहभागी भई पढिरहेको अर्का अभिभावक दिवाकर गुप्ताले बताउनुभयो ।
कोभिड–१९ का कारण विद्यालय खुल्ने समय अनिश्चित हुर्दै गएपछि एक महिना सम्म स्कुलका शिक्षक–शिक्षिकालाई अनलाइन टीचिंगको तालिम दिएर पढाई शुरु गरेको प्रिन्सीपल सुशिला बसेलले बताउनुभयो ।
उहाँले अनलाइन कक्षा सञ्चालन गरिएपछि अभिभावक र विद्यार्थि दुबैबाट सकारात्मक प्रतिक्रिया पाएको पनि जानकारी दिनुभयोे ।
यस क्षेत्रकै उत्कृष्ट विद्यालय मध्येको एक सोफिया स्कुलले भर्खरै मात्र विद्यार्थी भर्ना कार्यक्रम पनि शुुरु गरेको छ ।
