बाँके जिल्लामा उपचाररत १ जना कोरोना सङ्क्रमितको शनिबारराति मृत्यु भएको छ । नेपालगंज उप–महानगरपालिका वडा नम्बर १० ट्राफिक चोक निवासी ८४ वर्षीय पुरुषको मृत्यु भएको हो ।
यस्तै कोहलपुर नगरपालिका ८ गोल्छा निवासी ७१ बर्षिया महिलाको पनि मृत्युभएको छ ।
यो सगैं बाँकेमा कोरोना सङ्क्रमणबाट मृत्यु हुनेको सङ्ख्या २६ जना पुगेको छ भने बाहिरी जिल्लाबाट उपचारको क्रममा बाँकेमा आई मृत्यु हुनेको सङ्ख्या १२ जना पुगेको छ ।
यसैबीच आज बिहान ७ बजे जिल्ला कोभिड–१९ संकट ब्यवस्थापन केन्द्र (डीसीसीएमसी) बाँकेले जारी गरेको सूचना अनुसार आज १६ जना थप संक्रमित निको भएर डिस्चार्ज भएका छन ।
यो सगैं कुल डिस्चार्ज हुनेहरुको संख्या १ हजार ८ सय ९ जना पुगेको छ । अब कुल संक्रमितको संख्या २ हजार ३ सय ६९ जना मध्ये ५ सय ५४ जना आइसोलेसनमा रहेका छन ।
