भेरी अस्पताल नेपालगंजमा अपरेटिङ माइक्रोस्कोपको जडान सँगै माइक्रोस्कोपिक न्यूरोसर्जरी सेवा सुरु भएको छ । दिमाग तथा मेरुदण्ड अत्यन्त संवेदनशील अंगहरु भएको हुँदा ससाना नशा तथा तन्तुहरुलाई अत्यन्त जतनका साथ चलाउनु पर्ने हुन्छ ।
नाङ्गो आँखाले सहजै देख्न नसकिने यस्ता नशाहरुलाई अपरेटिङ माइक्रोस्कोपको सहायताले म्यागनीफाइ गरेर हेरिन्छ र सर्जनले आफुले चाहेको अनुसार सुरक्षित तरिकाले अपरेसन गर्न सक्छन् ।
अस्पतालमा डाक्टर हरी पौडेल एमसीएच न्युरोसजरीको नियुक्ती भए सगैं न्यूरोसर्जरी जस्तो जटिल प्रकृतिको उपचार सेवा दिन सहज भएको छ ।
अस्पतालले अघिल्लो आर्थिक बर्षमा मूल्य अभिवृद्धिकर बाहेक १ करोड ४१ लाख १ हजार ७ सय ६९ रुपैंया बराबरको लागतमा अपरेटिङ माइक्रोस्कोप खरिद गरेको थियो ।
कार्ल जेइस्सि जर्मेनी को टीभाटो ७ सय मोडेलको अपरेटिङ माइक्रोस्कोप जडान भएपछि हालसम्म दुई जना बिरामीको शल्यक्रिया गरिसकिएको अस्पतालले जारी गरेको सूचनामा उल्लेख छ ।
जसमा ६० बर्षिया महिलाको मेनीङ्गोमा र ९ वर्षिया बालिकाको स्पाइनल इन्ट्राडुरल इपीडरमोइड टीउमर रहेका छन् ।
दिमागका नशा फुलेर फुटेकोमा बाँध्ने, रगतका नशाहरुको गुच्छाको गडबडी र दिमागको क्यान्सरको शल्यक्रिया जस्ता उपचारमा यस प्रविधिको प्रयोग गरिन्छ ।
