बाँके : नेपालगञ्ज वडा नं–२१ को नयाँबस्तीमा दुई युवा समूहबीच झड्प हुँदा दुई गम्भीर घाइते भएका छन् । बाँके प्रहरीका अनुसार शनिबार साँझ दुई युवा समूहबीच भएको झडपबाट राज खड्का र सलमान खान घाइते भएका हुन ।
खड्काकोे घाँटी र ढाडमा काटिएको चोट छ । भने सलमानको ढाड र खुट्टामा घाउ लागेको स्रोतले जनाएको छ । केही समय पहिले ती युवाहरु बीच सामान्य कुटाकुट भएको थियो । त्यही सामान्य कुरालाई लिएर शनिबार साँझ सहमति गर्ने भनेर जम्मा भएको थिए ।
घाइते खडकाको घाँटीबाट रगत बगिरहेकाले नेपालगञ्ज मेडिकल कलेजमा पुर्याइँदा सम्भव नभएको भन्दै कोहलपुर रिफर गरिएको र सलमानको नेपालगञ्जमै उपचार सुरु भएको र दुबै खतरा मुक्त रहेको जिल्ला प्रहरी बाँकेले जनाएको छ। प्रहरीले घटनाको अनुसन्धान सुरु गरेको बताएको छ ।
