पुर्वी नवलपरासी । पुर्व नवलपरासीको दुम्किबासमा पहिरो गएपछि २४ घण्टा देखि पुर्व पश्चिम राजमार्ग ठप्प छ । असोज ६ गते मंगलबार देखि लगातार पर्दै आएको अविरल बर्षाको कारण पहिरो गएको र त्यही पहिरोको कारण सडक अवरुद्घ भएको हो ।
सडक अवरुद्घ भएपछि बर्दबास देखि दुम्किबास सम्म गाडी जाम छन् । पुर्व नवलपरासी प्रहरीका अनुसार दुम्किबासमा पहिरो हटाउदै जाने पुनः पहिरो थपिदै जानुले यात्रुहरु अलपत्र परेका छन् ।
अविरल परेको बर्षाको कारण पुर्व-पश्चिम राजमार्गको दर्जनौं ठाउँमा पहिरो गएको छ भने सड जलमग्न छन् । हजारौं यात्रु अलपत्र अवस्थामा छन् । सडक सुचारु गर्न प्रहरी लागेको छ ।
