सबिता चन्द
बाँके निर्वाचन क्षेत्र नम्बर २ मा चुनावी माहोल क्रमशः स्पष्ट बन्दै गएको देखिन्छ। पछिल्ला दिनहरूमा टोल–टोलबाट आइरहेका संकेतहरू हेर्दा प्रतिनिधि सभा सदस्य पदका उम्मेदवार दिपेन्द्र बिष्टप्रति जनविश्वास मजबुत हुँदै गएको विश्लेषण गर्न सकिन्छ। स्थानीय बासिन्दाका अनुसार अब चुनावी प्रतिस्पर्धा औपचारिकभन्दा पनि व्यवहारिक रूपमा बिष्टकै पक्षमा उभिँदै गएको छ।
सबैभन्दा महत्वपूर्ण संकेत भनेको जनताको खुला प्रतिबद्धता हो। विभिन्न टोल र बस्तीमा भेटघाटका क्रममा स्थानीयहरूले उम्मेदवार बिष्टलाई तारा चिन्हमा मतदान गर्ने स्पष्ट आश्वासन दिइरहेका छन्। यो आश्वासन केवल औपचारिक अभिव्यक्ति मात्र नभई लामो संवाद र प्रत्यक्ष भेटघाटबाट जन्मिएको विश्वासका रूपमा देखिन्छ। “अहिले मैदानमा देखिने, सुन्ने र बुझ्ने उम्मेदवार दिपेन्द्र बिष्ट मात्रै हुन्,” भन्ने आवाज टोलबासीहरूबाट बारम्बार सुनिन थालेको छ।
चुनावी अभियानको शैलीले पनि माहोललाई बिष्टतर्फ मोडेको देखिन्छ। अन्य उम्मेदवारहरू सीमित घेराभित्र देखिँदा बिष्ट भने निरन्तर घरदैलो, गल्ली–गल्ली र टोल–टोलमा सक्रिय रहनुभएको छ। उहाँले मत माग्नुअघि समस्या सुन्ने र समाधानका सम्भावनाबारे छलफल गर्ने अभ्यासलाई प्राथमिकता दिनुभएको छ। सडक, खानेपानी, ढल, रोजगारी, शिक्षा र स्वास्थ्यजस्ता मुद्दामा हुने संवादले मतदातालाई “यो हाम्रो उम्मेदवार हो” भन्ने अनुभूति दिलाएको स्थानीयहरूको भनाइ छ।
राजनीतिक विश्लेषकहरूका अनुसार चुनावी माहोल बन्ने तीन आधार हुन्छन्—उपस्थिति, विश्वसनीयता र निरन्तरता। दिपेन्द्र बिष्ट यी तीनै आधारमा अघि देखिनुहुन्छ। उहाँको निरन्तर जनसम्पर्कले उपस्थिति बलियो बनाएको छ, राजनीति बाहिरको काम र सामाजिक योगदानले विश्वसनीयता थपेको छ, र थाकिनसक्नु अभियानले निरन्तरता प्रमाणित गरेको छ। यही कारण चुनावी हावा क्रमशः उहाँको पक्षमा बगिरहेको देखिन्छ।
टोलबासीहरू भन्छन्, “चुनाव नजिकिँदै जाँदा उम्मेदवार हराउने होइन, देखिनु पर्छ।” यही अपेक्षामा बिष्ट खरो उत्रिएको उनीहरूको बुझाइ छ। जनतासँग प्रत्यक्ष भेटघाटमै सीमित रहेर संवाद गरिरहनु, आलोचना सुन्नु र सुझावलाई एजेन्डामा समेट्ने शैलीले उहाँलाई अन्य उम्मेदवारभन्दा फरक बनाएको छ।
यसरी हेर्दा बाँके क्षेत्र नम्बर २ मा अहिले देखिएको चुनावी माहोल आकस्मिक होइन, क्रमिक रूपमा बनेको जनभावनाको परिणाम हो। यदि यही सक्रियता, संवाद र विश्वास कायम रह्यो भने तारा चिन्हमा केन्द्रित जनप्रतिबद्धता अन्तिम नतिजामा रूपान्तरण हुने सम्भावना बलियो देखिन्छ। यही कारण बाँके–२ मा चुनावी बहस अब “को जित्ला?” भन्दा पनि “कति अन्तरले ?” भन्ने दिशातर्फ अघि बढ्दै गएको विश्लेषण गर्न सकिन्छ।
