बाँके । बाँकेमा थप एक कोरोना संक्रमितको मंगलवार मृत्यु भएको छ ।
नेपालगन्ज मेडिकल कलेज शिक्षण अस्पताल कोहलपुरमा उपचाररत बर्दियाका पुरुष कोरोना संक्रमितको मृत्यु भएको बाँकेका प्रमुख जिल्ला अधिकारी रामबहादुर कुरुम्बाङले जानकारी दिनुभयो । ठाकुरबाबा नगरपालिकाका, बर्दियाका ६४ वर्षीय कोरोना संक्रमितको उपचार क्रममा मृत्यु भएको उहाँले बताउनुभयो ।
कोरोना पोजेटिभ ती पुरुषको स्वास्थ्यमा समस्या देखिएपछि थप उपचारका लागि नेपालगन्ज मेडिकल कलेज शिक्षण अस्पताल कोहलपुरमा भर्ना गरिएको थियो ।
यससँगै कोरोना कारण उपचारकालागि बाँके आएर ज्यान गुमाउनेको संख्या ६ पुगेको छ । यसअघि बर्दियाका १, सुर्खेत, अछाम, कैलाली र अर्घाखाँचीका एकएक जना गरि ५ जनाको मृत्यु भईसकेको छ ।
