काठमाण्डौ । नेकपा एमालेको आज बस्ने भनिएको स्थायी कमिटीको बैठक स्थगित भएको छ । पार्टी एकताको लागि विघटित कार्यदलले प्रयास गरिरहेको भन्दै आजको बैठक स्थगित भएको हो ।
नेता सुवास नेम्वाङले पार्टी एकताका लागि कार्यदल स्तरमा भएको छलफलका बारेमा अध्यक्ष ओलीसहितका नेतालाई जानकारी गराएपछि बैठक स्थगित भएको हो । आफूले अध्यक्ष सहितका नेतालाई एकताको प्रयासका बारेमा भएका उपलब्धिबारे ब्रिफिङ गराएपछि भोलि दिउँसो तीन बजेसम्मको लागि बैठक स्थगित भएको नेता नेम्वाङले जानकारी दिनुभयो ।
आजको बैठकमा यही साउन २५ देखि २७ गतेसम्म हुने विधान महाधिवेशन र पालिकामा अधिवेशन गर्ने विषयमा छलफलको तालिका रहेको थियो ।
