नेपालगन्ज । भ्रष्टाचार बिरुद्ध छैटौं राष्ट्रिय युवा सम्मेलन नेपालगञ्जमा आज हुने भएको छ ।
बास नेपालको आयोजनामा सो सम्मेलन हुने भएको हो ।सम्मेलनमा ७७ जिल्लाका युवाहरुको सहभागिता रहनेछ । सम्मेलनलाई राष्ट्रिय सूचना आयोगका पूर्ब प्रमुख सूचना आयुक्त कृष्णहरि बास्कोटा, भ्रष्टाचार बिरुद्धका अभियन्ता केदार खडकाले सम्बोधन गर्ने भएका छन् । ७७ वटै जिल्लाका ५०० बढि युवाहरुको सहभागितामा सम्पन्न हुने कार्यक्रममा भ्रष्टाचार बिरुद्ध बिशेष अनुभव संगालेका उल्लेखित व्यक्तिहरुको मन्तव्यका साथै ७ वटै प्रदेशबाट प्रतिनिधित्व गर्ने भ्रष्टाचार बिरुद्धका युवा अभियन्ताहरुको मन्तव्य कार्यक्रममा रहनेछ ।
सम्मेलनमा खुल्ला छलफललाई बढी महत्व दिईनेछ जस अन्तरगत सुचनाको हक प्रबद्र्धनमा युवाको भुमिका, भ्रष्टाचार बिरुद्ध युवाहरुको भुमिका र सदाचार प्रबद्र्धनमा युवाको भुमिका लगाएतका विषयमा छलफल गरिनेछ । खुल्ला छलफल पश्चात सदाचार प्रबद्र्धन तथा भ्रष्टाचार न्यूनीकरणका लागि देशै भरीका युवाहरुको सुझावको आधारमा साझा धारणा तय गरि नेपालगन्ज घोषणा—पत्र २०८१ जारी गरिनेछ । सम्मेलन बिगत देखि बर्तमान सम्म नेपालको कर्णाली, सुदुरपश्चिम र ५ नम्बर प्रदेशकाका सबै जिल्ला, १, २, ३ र गण्डकी प्रदेशका केही जिल्ला गरि ५५ बढि जिल्लाका युवाहरुको सहभागितामा भ्रष्टाचार बिरुद्धको प्रथम राष्ट्रिय युवा सम्मेलन २०६९ असोज २६ गते सम्पन्न भएको थियो भने भ्रष्टाचार बिरुद्धको दोश्रो राष्ट्रिय युवा सम्मेलन २०७२ फाल्गुन ६ गते ६० जिल्लाका युवा प्रतिनिधि तथा राष्ट्रिय सुचना आयोगका प्रमुख आयुक्त कृष्णहरी बास्कोटा, टीआई नेपालका अध्यक्ष भरत बहादुर थापा, असल शासन अभियन्ता केदार खड्का लगायत बिशिष्ट ब्यक्तित्वहरुको उपस्थितीमा नेपालगन्जमा सम्पन्न भएको थियो भने तेस्रो राष्ट्रिय युवा सम्मेलन २०७३ चैत्र २६ गते ६० बढि जिल्लाका युवा प्रतिनिधि तथा राष्ट्रिय सुचना आयोगका प्रमुख आयुक्त कृष्णहरी बास्कोटा, टीआई नेपालका महासचिब लगायत बिशिष्ट ब्यक्तित्वहरुको उपस्थितीमा नेपालगन्जमा सम्पन्न भएको थियो । सो सम्मेलनमा बिभिन्न संघ, संस्था, सरकारी कार्यालयका प्रमुख, प्रतिनिधि, राजनितीक दलका प्रतिनिधि, युवाहरु गरि ४०० बढिको उपस्थिती रहेको थियो ।
कार्यक्रममा भ्रष्टाचार बिरुद्ध युवाहरुको भुमिका बिषयमा कार्यपत्र प्रश्तुती गरिनुका साथै भ्रष्टाचार बिरुद्ध मन्तब्यसमेत ब्यक्त गरिएको थियो । कार्यक्रमको अन्तमा भ्रष्टाचार बिरुद्ध युवाहरुको भुमिका सहितको नेपालगञ्ज घोषणापत्र जारी भएको थियो । सोही कार्यक्रमको निरन्तरता स्वरुप भ्रष्टाचार बिरुद्धको चौथो राष्ट्रिय युवा सम्मेलन २०७५ चैत्र १ गते नेपालगञ्जमा गरिएको थियो । ७७ वटै जिल्लाका युवाहरुको सहभागितामा सम्पन्न उक्त कार्यक्रममा राष्ट्रिय सुचना आयोगका प्रमुख आयुक्त कृष्णहरी बास्कोटा, टीआई नेपालका अध्यक्ष खेमराज रेग्मी, असल शासन अभियन्ता गो गो फाण्डेसनका अध्यक्ष केदार खडका लगाएत व्यक्तिहरुको बिशेष उपस्थिती रहेको थियो । सोही सम्मेलनलाई निरन्तरता दिदै भ्रष्टाचार बिरुद्धको पाँचौं राष्ट्रिय युवा सम्मेलन २०७८ चैत्र १८ गते नेपालगञ्जमा सम्पन्न भएको थियो । कार्यक्रममा कार्यक्रममा राष्ट्रिय सुचना आयोगका पूर्ब प्रमुख आयुक्त कृष्णहरी बास्कोटा, असल शासन अभियन्ता गो गो फाण्डेसनका कार्यकारी निर्देशक केदार खडका लगाएत व्यक्तिहरुको बिशेष उपस्थिती रहेको थियो । बास नेपालको १० औं महाधिबेशन यसैगरी बास नेपालको १० महाधिबेशन शुक्रवार र शनिवार हुने भएको छ । दशैभरका प्रतिनिधिहरुको सहभागिता रहने महाधिबेशनले २५ सदस्सिय नयाँ कार्य समिति चयन गर्नेछ । निबर्तमान अध्यक्ष र कार्यकारी निर्देशक पदेन सदस्य रहने केन्द्रीय कार्यसमितिमा संस्थाको बिधान बमोजिम दुई सदस्य मनोनित गर्ने व्यवस्था छ ।
पदाधिकारी, सदस्य सहित २१ जनाको निर्बाचन हुने बास नेपालले जनाएको छ । संस्थाका अनुसार अध्यक्ष, खुला उपाध्यक्ष, महिला उपाध्यक्ष, महासचिव, दुई सचिव, कोषाध्यक्ष सहित ७ प्रदेशका प्रदेश ईञ्चार्ज र केन्द्रीय सदस्यहरुका लागि निर्वाचन हुनेछ । ३५० बढि प्रतिनिधिले आगामी तीन बर्षका लागि नयाँ नेतृत्व चयन गर्नेछन् ।
