सबिता चन्द
नेपालगन्ज । अखिल नेपाल विद्यार्थी युनियन (समाजवादी) ले १७ बुँदे माग पत्र बुझाएको छ । शिक्षा विकास समन्वय इकाई र नेपालगन्ज उपमहानगरपालिका शिक्षा तथा खेलकुद शाखामा १७ बुँदे मागपत्र बुझाएको हो ।
नेपालगन्ज भित्र शिक्षामा देखिएका विकृति र विसंगतिलाई लक्षित गरि संगठनले माग पत्र बुझाएको जिल्ला संयोजक सागर सेन सीले बताउनु भयो । सो का अनुसार जिल्ला र उपमहानगरपालिकाले आफ्नो मागपत्र अनुसार काम गर्न नसके तत्काल आन्दोलनमा उत्रने चेतावनी दिनु भयो ।नेपालगन्ज उपमहानगरपालिकामा आइतबार र शिक्षा समन्वय इकाईमा सोमबार मागपत्र बुझाएको इन्चार्ज हरी सीले बताउनु भयो । हरि सी र सागर सेनको संयुक्त हस्ताक्षरित मागपत्रमा शिक्षा क्षेत्रमा देखापरेको १७ बुँदे विभिन्न माग राखी शिक्षा निकायलाई झकझक्याए छ ।
१७ बुँदे मागलाई सम्बोधन नगरे आन्दोलनमा उत्रने चेतावनी दिइएको हरि सीले बताउनु भयो ।
