नेपालगन्ज । एमालेको नवौं जिल्ला अधिवेशनबाट बाँकेको अध्यक्षमा निरक गुरुङ निर्वाचित हुनुभएको छ ।
सोमबार बिहान सम्पन्न मत गणनाको नतिजा अनुसार गुरुङले डिल्ली बिसीलाई पराजित गर्दै अध्यक्षमा निर्वाचित हुनु भएको हो ।
पूर्वपत्रकार समेत रहेका बिसीलाई एमाले महासचिव शंकर पोखरेलको साथ थियो भने गुरुङलाई उपाध्यक्ष बिष्णु पौडेलको साथ रहेको थियो ।
निर्वाचनबाट उपाध्यक्षमा रत्न खत्री विजयी हुनुभएको छ । प्रदेश सरकारका सामाजिक विकासमन्त्री समेत रहनुभएका खत्री बिजयी हुनुभएको हो । उहाँका प्रतिस्पर्धी रवीन्द्र लम्साल हुनुहुन्थ्यो ।
सचिवमा बलराम भट्टराई विजयी हुँदा खिलप्रसाद भुसाल प्रतिद्वन्द्वी हुनुभयो । त्यस्तै उपसचिव महिलामा निर्मला सुनार विजयी हुनुभएको छ भने अर्का उपसचिवमा किशोर थापा विजयी हुनु भएको छ ।
