नेपालगञ्ज । बाँकेमा आज १० सहित थप १२ जनामा कोरोना संक्रमित थपिएका छन् ।
नेपालगञ्ज मेडिकल कलेज शिक्षण अस्पताल कोहलपुरको पिसिआर प्रयोगशालामा गरिएको परीक्षणमा बाँकेका ९ र बागेश्वरी डाइग्नोष्टिकको प्रयोगशालामा गरिएको परीक्षणमा १ गरी बाँकेका थप १० जनामा कोरोना संक्रमण पुष्टि भएको हो ।
स्वास्थ्य कार्यालय बाँकेका फोकल पर्सन नरेश श्रेष्ठका अनुसार संक्रमित सबै नेपालगञ्जका हुन् ।
यस्तै नेपालगञ्ज मेडिकल कलेज शिक्षण अस्पताल कोहलपुरको परीक्षणमा रुकुम र बर्दियाका एक÷एक जनामा कोरोना संक्रमण देखिएको श्रेष्ठले बताउनुभयो ।
योसँगै बाँकेमा कोरोनाबाट संक्रमित हुनेको संख्या १ हजार ५ सय ४६ पुगेको छ । जसमध्ये, ८ जनाको ज्यान गइसकेको छ भने आज डिस्चार्ज हुने ४४ जना गरी कोरोनामुक्त हुनेको संख्या १ हजार १ सय ३२ पुगेको छ ।
