नेपालगन्ज । वडा प्रहरी कार्यालय नेपालगन्जले भारतबाट अवैधरुपमा भन्सार छली गरि नेपाल ल्याइएका ७१ हजार रुपैयाँ बराबरको गन्जी (सेन्डो) बरामद गरेको जनाएको छ ।
नेपालगन्ज उपमहानगरपालिका वडा नम्बर ९ बाँकेगाउँस्थित पिपल चौताराबाट भारतबाट भन्सार छली अवैधरुपमा चोरी पैठारी गरि ल्याइएका ८ सय ८८ थान गन्जी बरमद गरेको वडा प्रहरीले जनाएको छ । प्रहरीका अनुसार बरामद गरिएका गन्जीको मूल्य अन्दाजी ७१ हजार रुपैयाँ रहेको छ ।
बरामद गरिएको गन्जीलाई आवश्यक कारबाहीका लागि नेपालगन्ज भन्सार कार्यालय पठाइएको वडा प्रहरीले जनाएको छ ।
