शान्ति सुनार
नेपालगन्ज । आशिष् महरको `साली´ बोलको गीतले दर्शकहरुको अत्यधिक माया पाए सँगै `लाली´ बोलको गीत सार्वजनिक भएको छ । नेपाली भाषा र पश्चिमी भाषालाई समेटेर लेखिएको उक्त `लाली´बोलको गीतमा विशेष गरि आफ्नो प्रेमिकालाई पश्चिमी भाषामा लाली भनेर बोलाउने गरिन्छ । आफ्नो मन मिल्ने साथी सँग वर्षौ पछि परदेश गएर गाँउ फर्किदै गर्दा घर छेउमै पुगेर एक अर्काले आफ्नो प्रेमिकालाई सम्झिदै खुसिका भावनाहरु साटिएको प्रेमिल भावलाई पर्दामार्फत देखाउन खोजिएको छ।
गीतमा साथित्व, आफ्नो जन्मभूमिमा बालापनको ठाउँ माया सँगै बाल्यकालको साथी अर्थात प्रेमिकाको मायालाई भिडियो मार्फत देखाउन खोजिएको छ । आषिशको आफ्नै शब्द रहेको गीतमा तपेन्द्र तिखातरी र आशिष् महर कै संगीत र आवाज रहेको छ । आशिष् महरको निर्देशनमा तयार पारिएको म्युजिक भिडियोमा आशिष् महर,तपेन्द्र तिखातरी, पुजा तिखातरी र माया महतको प्रेमिल अभिनय देख्न सकिन्छ ।
मल्टी ट्युनेस स्टुडियोमा रेकर्ड गरिएको उक्त गीत रेकर्डिङ र एरेन्जमा रवि पाण्डे,मिक्सिङ्म अभिनाश चौलागाईं,गितारमा बेबोत लामा,मादलमा बिपु श्रेष्ठ रहेका छन । उक्त लाली बोलको गीत आशिष महरको अफिसियल युटुब च्यानलबाट सार्वजनिक गरिएको छ । गीतले अहिले दर्शकहरुको अत्यधिक माया पाइरहेको छ ।
