नेपालगन्ज । नेपाल कम्युनिस्ट पार्टी (माओवादी केन्द्र ) निकट गणतान्त्रिक प्रगतिशील कानुन व्यावसायी एशाेसिएसन नेपाल (RPLA) बाँकेको दोश्रो भेला शुक्रबार नेपालगन्जमा सम्पन्न भएको छ । भेलाले मोहन विक्रम अर्यालको नेतृत्वमा ९ सदस्यीय समिति चयन गरेको छ ।
अधिवक्ता अर्याल र सचिव गणेशमान केसीको नेतृत्वमा ९ सदस्यीय जिल्ला कार्यसमिति सर्वसम्मत चयन गरेको प्रमुख अतिथि RPLA का केन्द्रिय सचिवालय सदस्य तिर्थराज ज्ञावालीले जानकारी दिनुभयो । कार्यक्रममा प्रमुख अतिथि ज्ञावाली, नेकपा माओवादी केन्द्रका केन्द्रिय सदस्य नरेन्द्र न्यौपाने, केन्द्रिय सदस्य, नेत्र प्रसाद पाण्डे र जिल्ला समन्वय समिति संयोजक नरेन्द्रप्रसाद पाण्डे (जेम्स) लगायतका वक्ताहरूले आआफ्ना मन्तव्य राख्नु भएको थियो ।
माओवादी जिल्ला संयोजक पाण्डेले घरघरमा माओवादी जनजनमा माओवादी अभियान अन्तर्गत विभिन्न कार्यक्रम हुँदै आएको बताउनु भयो ।
