नेपालगन्ज । नेपालगन्ज उपमहानगरपालिका वडा नं. २ माओवादी केन्द्रकी वडा कोषाध्यक्ष नयाँ देबी गुरुङको निधन भएको छ । समजसेवी गुरुङको निधन भए लगत्तै नेकपा माओवादी केन्द्र नेपालगन्ज उपमहानगरपालिकाले शोक वक्तव्य जारी गरेको छ ।
नेपालगन्ज नगर अध्यक्ष रतन बहादुर शाहीद्वारा हस्ताक्षरित शोक वक्तव्यमा ´लामो समय देखि प्राण घातक रोग क्यान्सरका विरुद्ध लडिरहनु भएको हाम्रो पार्टी नेकपा माओवादी केन्द्र नेपालगन्ज उपमहानगरपालिका-२ निवासी पार्टी समिति कोषाध्यक्ष, पुर्व नगर समिति सदस्य, सामाजिक तथा सहकारी अभियन्ता एक शसक्त एवं कर्तव्यनिष्ट महिला नेत्री कमरेड नयाँ देबी गुरुङको असामयिक निधनले सिङ्गो पार्टी पंक्ती स्तब्ध एवं मर्माहत भएको छ ` लेखिएको छ । वक्तव्यमा अध्यक्ष शाहीले मृतक स्वर्गीय गुरुङका आफन्तलाई शोकलाई शक्तिमा बदलेर धैर धारण गर्न पनि आग्रह गर्नु भएको छ । साथै दिवंगत आत्मालाई सिङ्गो पार्टी पंक्तिले श्रद्धाञ्जली व्यक्त गरेको छ ।
स्वर्गीय गुरुङ लामो समयदेखि क्यान्सर पीडित हुनुहुन्थ्यो । स्वर्गीय गुरुङलाई नेकपा माओवादी केन्द्र नेपालगन्जले आर्थिक सहयोग समेत गरेको थियो । गुरुङको हिजो साउन २६ गते राती निधन भएको थियो ।
