नेपालगन्ज । बाँकेको कोहलपुर नगरपालिकामा निजामति कर्मचारीहरुले नगरपालिकाको परिसरमा आन्दोलन गरेका छन ।
प्रस्तावित संघिय निजामति सेवा ऐनमा समावेश भएका १२ बुँदे माग सहित आन्दोलन गरेका हुन ।
तत्काल मागहरु संशोधन नभएसम्म आन्दोलन जारी राख्ने भन्दै शुक्रबारदेखि धर्ना दिँदै सरकारी कामकाज ठप्प राखेका छन् ।
कोहलपुर नगरपालिकाका संघर्ष समितिका संयोजक राम बहादुर हमालले १२ बुँदे माग पुरा नभएसम्म आन्दोलन जारी राख्ने र पेन डाउन सहित धर्ना कार्यक्रम जारी राख्ने बताउनु भएको छ ।
कोहलपुर नगरपालिकामा करिब २ सय ५० जना निजामति कर्मचारीहरु रहेका छन् ।
