बाँके । नेपालगञ्ज उपमहानगरपालिका १२ विपीचोकस्थित एक सिरक डसना पसलमा आगलागी भएको छ । नेपालगन्जको विपीचोकस्थित अफोज शेषले सञ्चालन गरेको जनता सिरक पसलमा बुधबार बिहान आगलागी भएको जिल्ला प्रहरी कार्यालय बाँकेका सूचना अधिकारी प्रहरी नायव उपरीक्षक नारायण डाँगीले जानकारी दिनुभयो ।
प्रनाउ डाँगीका अनुसार बुधबार बिहान सवा तीन बजेको समयमा उक्त पसलमा विद्युत सर्ट भएर आगलागी भएको हो । आगलागीबाट पसलमा भएका सिरक, डसना, सिरानी, कपडा तथा कपास सम्पूर्णरुपमा क्षति भएको छ । आगलागीको सूचना प्राप्त हुनासाथ उपमहानगरको दमकल र सुरक्षाकर्मीको सहायताले १५–२० मिनेटमै आगलागी नियन्त्रणमा लिइएको उहाँले जानकारी दिनुभयो । आगो छिट्टै नियन्त्रणमा लिइएपनि कपासजन्य सामाग्री भएको हुँदा पसलमा भएका सम्पूर्ण सामाग्रीहरुमा क्षति पुगेको प्रनाउ डाँगीले बताउनुभयो ।
