बाँके । बाँकेका विभिन्न आइसोलेसन केन्द्रबाट आज बुधबार ७७ जना कोरोना संक्रमित निको भएर डिस्चार्ज हुँदै छन् । जसमध्ये महिला ५ जना र पुरुष ७२ जना हुन् ।
कोरोना फोकल पर्शन नरेश श्रेष्ठले जारी गरेको रिपोर्ट अनुसार ७७ जना संक्रमित डिस्चार्ज हुन लागेका हुन् । ७७ जना डिस्चार्ज हुने भए संगै अब कुल कोरोना जित्ने संक्रमितको संख्या ९ सय १५ पुगेको छ भने जम्मा संक्रमितहरुको संख्या १२ सय ७२ पुगेको छ । विभिन्न आइसोलेसन केन्द्रमा ३ सय ५४ जना उपचाररत छन् । अहिलेसम्म ८ जनाको मृत्यु भैसकेको छ ।
