संवाददाता, नेपालगंज ।
नेपालगंज नागरिक उड्डयन कार्यालय, राँझा बाँकेले आज आपतकालिन अभ्यास गरेको छ ।
विमानस्थलमा हुन सक्ने घटना, दुर्घटनालाई मध्येनजर गरी विमानस्थल सँग सम्बन्धित सरोकारवालाहरुको सहभागीतामा आपत्तकालिन अभ्यास गरिएको हो ।
आपत्तकालिन अभ्यासका क्रममा विमानस्थल परिसरमा धुँवाको मुसलो, दमकल, एम्बुलेन्स, सुरक्षाकर्मी, रेडक्रस, स्वास्थ्यकर्मी, सर्वसधारण लगायतको बाक्लो उपस्थिती रहेको थियो ।
हवाई दुर्घटनाका समयमा हुने क्षतिलाई न्यूनिकरण, द्रुत प्रतिकार्यलाई प्रभावकारी बनाउन आपत्तकालिन अभ्यासले सहयोग पुग्ने विश्वास लिईएको छ ।
फोटो सौजन्य डीइओसी बाँके