बाँके ।
प्रतिनिधि सभा र प्रदेश सभा सदस्यको मतदान देशैभर सुरु हुँदा नरैनापुर गाउपालिका अध्यक्ष स्तियाक अहमद शाहले आफ्नो वडा नं. २ को प्राथमिक स्वास्थ केन्द्रमा सबैभन्दा पहिले मतदान गर्नु भयो । बिहान ७:१५ मा अध्यक्ष शाहले मतदान गर्नुभएको हो ।
देशको भाग्यरेखा कोर्ने यस निर्वाचनमा सम्पुर्ण पालिकाबासीहरुलाई स्वतस्फूर्त तरिकाले मतदान गर्न अध्यक्ष शाहले आग्रह गर्नु भयो । अध्यक्ष शाहले भन्नुभयो´ स्वतस्फूर्त तरिकाले मतदान गर्नु हामी नागरिकको दायित्व हो । त्यसैले हामी पालिकाबासीहरुले मतको दान गर्न खुशीहुनु पर्छ ।
मतदान केन्द्रमा शान्त वातावरण रहेको छ । शान्तिपुर्ण तरिकाले मतदान सम्पन्न हुने कुरामा विश्वस्त भएको मतदान केन्द्र प्रमुख मणिराम खनालले बताउनु भयो । प्रहरीले सुरक्षामा सतर्कता अपनाएको छ ।
