नेपालगन्ज । अहिलेसम्मकै ठुलो राशी पुरस्कार भएको तिज नृत्य प्रतियोगिता सगै फेसन सो र मिसेज नेपालगन्जको अडिसन भोली देखि नेपालगन्जमा सुरु हुने भएको छ । 
अवध मिडिया ग्रुप प्रा.लि द्धारा सन्चालित जी नेपाल फोरके टेलिभिजनले ५१ हजार पुस्कार राशीको तिज नृत्य प्रतियोगिता सगै फेसन सो र मिसेज नेपालगन्ज आयोजना गर्न लागेको हो । सो प्रतियोगितामा गृहणी महीलाहरुले मात्र भाग लिन पाउने टेलिभिजन सन्चालन आशिष गुप्ताले जानकारी दिनुभयो । घरको काममा मात्र सधै ब्यस्त रहेने गृहणी महीलाहरुलाई लक्षित गरि आयोजना गरिएको प्रतियोगिताको अडिसन सिद्धार्थ कटेज नेपालगन्ज , मेरो प्लानेट नेपालगन्ज ,खजुरा मिनि पार्क र कोहलपुरको सेन्टर प्लाजामा हुने गुप्ताले जानकारी दिनुभयो । उहाँका अनुसार सो प्रतियोगितामा नृत्य र फेसन सगै मिसेस नेपालगन्ज बिधाका फस्ट रनर अपले ५१ हजार , सेकेन्ड रनर अपले ३१ हजार , थर्ड रनर अपले २१ हजार पुरस्कार र गिफ्ट ह्याम्पर पाउनेछन् । नृत्य सम्बन्धि यो सबैभन्दा ठुलो राशी पुरस्कारको प्रतियोगिता भएको समेत उहाले दावी गर्नुभयो । 
तिज नृत्य प्रतियोगितासँगै फेसन सो र मिसेस नेपालगन्जको अडिसन भोली देखि
अहिलेसम्मकै ठूलो राशीको पुरस्कार
गुडन्यूज खबर
।
२०७९ भाद्र २, बिहीबार ००:३८
