संवाददाता, बर्दिया ।
बर्दिया राष्ट्रिय निकुञ्जको मध्यवर्ति क्षेत्रमा पर्ने बारबर्दिया नगरपालिका ६ बाट एक जनालाई चोरी शिकारमा प्रयोग हुने समान सहित पक्राउ गरिएको छ ।
निकुञ्ज सुरक्षामा खटिएको नेपाली सेनाको देविदत्त गण र निकुञ्जको टोलीले अनुगमनका लागी राखिएका स्वचालित क्यामेराको सहयोगमा २९ साउन २०७९ का दिन एक जनालाई पक्राउ गरेको हो ।
पक्राउ परेका ब्यक्ति पुरुष हुन । उनको बारेमा अन्य केही विवरण खुलाईएको छैन ।
भे.४ प ६५२९ नम्बर मोटरसाइकल, दुई नाले १२ बोर बन्दुक, ४ सय ग्राम सुकुटी, ७ सय ग्राम काँचो मासु, २१ रोल पटका, छर्रा, जाली लगायतका समान पनि पक्राउ परेका ब्यक्तिको साथमा बरामत भएको बर्दिया राष्ट्रिय निकुञ्ज कार्यालयले जनाएको छ ।
